Community Service

BRIGADA ESKWELA NG BATELEC II, ISINAGAWA

             ISINAGAWANG muli Batangas II Electric Cooperative, Inc.  (BATELEC II) ang kanilang programang Brigada Electric Check nitong nakaraang ika-19 – 24 ng Mayo, 2014.

            Ang nasabing programa ng BATELEC II ay isinagawa bilang pakikiisa sa pagdiriwang ng taunang Brigada Eskwela Week ng Department of Education (DepEd) kung saan ito ay isang paghahanda para sa muling pagbabalik eskwela ng mga mag-aaral sa mga pampublikong paaralan.

            Nagsagawa ang BATELEC II ng mga pagkukumpuni at pagpapalit ng mga kagamitang pang elektrisidad gaya ng mga saksakan, sirang linya, kuntador, bumbilya (CFL), switch, circuit breaker, receptacle at maraming pang ibang kagaya nito.  Lubos naman ang pasasalamat ng mga Guro sapagkat anila, ay malaking kabawasan ito sa kanilang gastusin para sa pagpapa-ayos ng kanilang silid aralan.  Dagdag pa nila, na malaking kaginhawaan ito para sa mga mag-aaral upang maging komportable sila sa bawat oras ng kanilang pag-aaral. 

            Nakapagbigay benepisyo sa programang ito ang BATELEC II sa may 26 na Pampublikong Paaralan sa buong nasasakupan nito.

Ang nasasakupan ng BATELEC II ay Alitagtag, Balete, Cuenca, Laurel, Lipa City, Lobo, Mabini, Malvar, Mataasnakahoy, Padre Garcia, Rosario, San Jose, San Juan, Talisay, Tanauan City, at Taysan.

• < Prev
• Next >